هذاك اليوم شحليلاتي رايح سوق شرق بروحي بصور يعني. ومابقى تعليق مابقت طنازه ماحصلتها! بس شدعوه اسكت؟ والله ماسكتْ حق ولا واحد. المهم اول مادشيت السوق رحت صوب اليخوت وقعدت اصور. وانا بعز تصويري ولا يمرون اثنين شباب, جان واحد يقول طالع البازوكه الي شايلها بإيده, إلتفتت عليه جان اقوله تبيني ارميك فيها ؟!!! لول اكو املق ؟ عفيه؟ امانه؟ اضحك؟ بط جبديي بغيت اصمخه بالترايبود بس تعوذت من ابليييس
علقت الكاميرا على ودشيت السوق تمشيت واثنين اعطيهم يمكن 15 سنه جذي! قاعدين يخزوني ويتساسرون! يقولون شوف هالكاميرا شوف شوف بوزها ( يقصد العدسه ) لوووووول شهالتخلف يعني اول مره تشوف كاميرا؟ واهم شي ماكو بقاموسك عدسه لأ بوز hahaha!
والله حصلت وايد تعليقات تافهه! يعني ليش جذي صار مستوانا؟ والله العظيم كل ما اسافر دوله اوروبيه ولا امريكا امشي بالسوق ومعاي كاميرتي والوضع طبييييعي وحد الطبيعي, و لا تصور الي تبي بعد.. مو هني لمن اتيي تصور داخل السوق, إييلك سكيورتي كرشته 100 متر جدامه " ممنووووووووع "
محد يعاني من هالشي؟
